.<<<>>>

Kalay Peng Nihnih Chung Kahdohnak Ah SAC Ralkap 15 An Thi I, Mipi Ralkap 3 Nunnak A Liam Ve Ti Ah Thawngan thanh.
Kalay Technology University thlanglei, chinmi umnak Thayarkung ah umhmun a khuarmi SAC ralkap hna cu a luancia August 2 khan Kalay-PDF battalion 1, 2, 3, 5, 6, 7, 8, 12 le Kalay pah-kah-phah, CNDF, CDF-KKG le RKDF phufonh nih nizaan August 3, zaanlei suimilam 5:30 in zaan suimilam 8:30 tiang an kah hna, tiah theih a si.

SAC ralkap nih hriamngan pehzulh in voi tamtuk an kah caah tualchung hriamtlai phufonh lei hnu an tolh i, nihnih chung kahdohnak ah cun SAC ralkap 15 hrawng an thih leng ah hliamhma tuar zong an tam. Tualchung hriamtlai phufonh lei Kalay-PDF in pakhat, pah-kah-phah phu chungtel in ralkap 2 an nunnak a liam i, minung 17 hliamhma an tuar, tiah Kalay PDF nih an thanh.

Nihin August 4, zinglei suimilam 9:00 hrawng zong ah Thayarkung khua pawng ah chunnitlak tluk SAC ralkap le tualchung hriamtlai phufonh hna cu an i kap, tiah theih a si. SAC ralkap nih Thayarkung khuachung innlo zong an khangh i, hrawhpiak hna, tiah Kalay PDF nih cathanh an chuah.credit the chin post.<>>>>>>>>>>>

Be the first to comment

Leave a Reply

Your email address will not be published.


*