Press "Enter" to skip to content

Myanmar Ram Ah Certual An I Cuh Ruang Ah Fak Tuk In An I Vua Ciammam Hna i Minung Pahnih Nunnak A Liam

Myanmar ram, Sagaing ramthen, Mungzua myone Chan Myawady, Shwe Zalaw ah mirum pakhat le khawmi pawl certual an i cuh ciammam i, mirum pa nih misual pawl ai sawm hna i, khuami pawl he an i vua hna. I misual lei a si mi minung pahnih an thi tiah thawngtheih a si.

January 12 chun ah Yangon i a thanglian mi Mungzua tanghra siang inn i a tuan mi, sayamahkyi pakhat nih cun Shwe Zalaw khua i certual cu a mahta a si nak kong a chim i, misual pawl ai sawm hna hnu ah thir in a kulh. Cu an certual cu a neitu taktak zong umloin, khawmi pawl nih can saupi an rak hman cang mi a si i, ralbawi pakhat nih sayamahkyi sin ah a zuar tiah khawmi pawl nih cun an chim.

Khawmi pawl nih lentecelh nak i an hman mi certual bak “Ka ta”tiah misual pawl i sawm in a kulhter mi cu misual pawl zong cu i ralring cia tein, nam saupi i ken bu cun, certual cu an kulh i a ngamh mipoh rak chuak uh tiin an i hrocer len hna. Cutikah cun khawmi pawl an i sawm hna i misual pawl le khawmi pawl cu an i vua hna.

Mi 5 hliamhma fak taktak an tuar i, misual pawl a hruaitu bik le a kuttang i a um mi tleirawl pakhat cu an hliamhma tuar kho loin an nunnak a dih. Thilcang mi he pehtlai in, minung 20 cu Mungzua palik nih an tleih cang hna i, nam in mi an tuk, fung in an thaut hna, lung in an cheh hna pin ah lainawng case siampiak hna. Mah cu pin ah cun, certual hmunhma kong zong ceihhmai nak an nei colh hna. (DVB)

Credit : Vapual Auaw

Be First to Comment

Leave a Reply

Your email address will not be published. Required fields are marked *