Press "Enter" to skip to content

Lamzawh Nak I A Kan Thihtak Mi Tlangval Pa Caah Chin Hlasak Thiam David Lai Nih Hla A Phuah Piak Mi Le A Biacah Mi Cu Lungthin A Hno Ter Tuk E

Myanmar ram lamzawhnak i ai tel mi minung pa 4 cu palik le ralkap kah nak in an nunnak a liam cang, tlangval kum 20 mi Wai Yan Tun zong an kah i hliamhma faktuk a tuar.Sizung ah an tlikpi colh ko nain that lei a panh kho hlei loh i February 20, 2021 ah khan mual an kan liam tak. A thih hlante ah a pawng i a tak cuahmah mi a nucu a zoh i, mitthli he kanu ka celh ti loh e ti bute in a nunnak a liam.

Myanmar ramchung i hlasakthiam minthang David Lai nih hla a phuah piak i a sak. David Lai nih “Ka nau Wai Yan Tun, na hrangah leiba kan nei hi aw, Na thawmpang kan rak theih in Myanmar mipi pawl cu ngeihchia lungfak tuk in kan um e Patling pipi zong an ngeih chia tuk i an mitthli a luang.

Na awka a dongh nak bik “Ka nu, ka tlinh ti loh” na timi cu na u lepawl nih kan philh ti lai loh, na u le pawl nih bia kan in kamh. Lamzawh nak i a thi mi nan zapi ten nan nunnak a liam mi hi a lakka a si lai loh.Nunnak liamtu nan zatein upatnak kan in pek hna” tiin a facebook cahmai ah a langh ter.

Vangro Lai Mino nih subnak a tialmi: “ngeihchia tuk a si ko e, mi fapa hi chunmang zong a nei ve ko lai nain e, Chanthar mino nunnak hi an i nuam tuk ve va si kawh, Rampi buainak tilian le raltho mi ruangah a can lo pi ah parbang an kan ziamtak ko mi hi, chungkhar hrang ah timhtuah nak a nei mi an si ve ko lai nain, an nu le pa zong an dawt ve ko hna lai nain e.

An chuahpi unau lak zong ah rinhchanh mi si an duh ve ko lai. Ralkap uknak nih cun zawnruah nak nei lo in a nunnak a lak ko.

Nupi fanau nei in Chungkhar nuamtak in dirh tim le duhdawt nak he fanau cawmtu papal ṭha si zong an nei ve ko lai nain, Nawlneih nak a duh tu i kut/keneh cu a va kha dah. Nuamh nak cu tahnak ah a can ter i duhdawt nak cu a hrawh dih, nulefa a then ter i htingnun cu tahnak ah a can ter dih.

Credit : Biate Mizoram

Be First to Comment

Leave a Reply

Your email address will not be published. Required fields are marked *