ZUALKO: Salai Lal Biak San Nih A Dawtmi Chinram Le Miphun Caah Nunnak Pek Than E

Miphun Le Ram Caah Salai Lal Biak San A Nunnak Liam.Chin National Defense Force (CNDF) ralkap, paralțha Salai Lal Biak San (kum 37) cu a mah nih a kam bantukin 11 Chiapa 2022 Kalay peng, ralram hmun pakhat kahdohnak ah ram le miphun caah a nunnak a pek.

Miphun dohthlennak ca i a pumpeknak cungah CNO/CNDF nih upatnak sangbik kan pek i, kaltakmi chungkhar ngaihchiatnak kan hrawmpi hna. Lai paralțha kan miphun ralkap Salai Lal Biak San, ram le miphun caah na pumpeknak naa ruahchannak pawl hi na kaltakmi na țuanhawi CNO/CNDF nih kan philh lai lo i thahrum hmang in nawlngeihnak latu ralhrang pawl an cimih tiang kan run doh lai tiah a kan kaltak cangmi na țuanhawi paralțha pawl le na min chalh in bia kan i kam tiah Chin National Organization nih cathanh an chuah. Credit: The Lairam Times

Thawnpang dang relchap : SAC Ralkap Nih Myine Peng HṭayAung Khua An Duah I, Inn 100 Leng An Kaang!

SAC Ralkap Nih Myine Peng HṭayAung Khua An Duah I, Inn 100 Leng An Kaang!: Magwe ramṭhen, Myine peng HṭayAung(ဌေးအောင်) khua cu SAC ralkap nih July 12, ah luhhnawh in an duah caah khuachung inn 100 leng an kaang, tiah tualchung mi nih an chim.

Khuami pakhat nih cun, “SAC ralkap an phan ti thawng kan theih cangka in khuami vialte cu kan zaam dih, khuachung ah zankhat an riak i, zinglei an chuahpah ah khua cu an duah,” tiah a chim. SAC ralkap nih an duahmi HṭayAung (ဌေးအောင်) khua cu Sagaing ramṭhen le Magwe ramṭhen ramri ah a ummi a si i, inn 150 hrawng umnak khua pakhat a si. Khuami hna cu a himnak hmun ah an zaam dih hna, tiah theih a si.

Cu kong he pehtlai in SAC ralkap lei nih cathanh an chuahmi a um rih lo. SAC ralkap lei in chim phuannak nawlngeitu general Zaw Min Hṭun nih cun, raltuk an kal tikah khuachung ah luhpah le inn khangh ti bantuk cu kan tuah lo, tiah a rak chim bal.

Nihin July 13, zaanlei ah KyaukSawng(ကျောက်စောင်း) khua pawng ah tualchung hriamtlai phu le HṭayAung(ဌေးအေင်) khua in a chuakmi SAC ralkap kar kahdohnak a chuak, tiah tualchung mi nih an chim. Credit : The Chin Post

Be the first to comment

Leave a Reply

Your email address will not be published.


*