Matupi peng, kiangkap PDF he pehtlaihnak a nei ko tiah zumhmi lunghrinhmi case in July 28 ah an rak tlaihmi PhaNaing khuami nuva hna chungin an pa cu a luanciami August 23 ni ah kan kahthah cang tiah Ralhrang lei nih biaceihzung ah thawng an thanh ticu an chungkhar sin in theih asi.
Kan hnulei July 16 ni ah Matupi khua hrambunh KhahLahYah(140) battalion chungin Captain Tan Naing Win cu Mipi ralkap nih an thahnak he pehtlai in khuachungmi paruk cu a ra tlaih hna.
“Kan chungkhar cu biaceih zung nih thawng a kan thanh i U Lung Kham(a)U Thang Naw cu a luanciami August 23 ni ah kan thah cang tiah an rak kan ti,a nupi tu cu an rak thlah than,a tu ah inn zongah a ruak humhnak le i topinak zong tha tein kan hmang ngammlo” tiah thihnak a tongmi chungkhar pakhat sin in kan theih.
An thahmi pa nih hin a cuza rilomi fale pathum a roh tak hna i a upa bik cu India lei ah a pahn cang ti zongah theih asi.
Atu ah Matupi chungah SAc Ralhrang hna nih an tlaihmi hna biaceih zungah case an tuahlo in an thahmi hna hi pali hrawng an si i cu chung ahcun Nga Hlaing khua i khrihfa Pastor pakhat zong aa tel chih.
Leave a Reply