Tih Nung Ko Cang Lai Hih : Ralhrang Nih Timit Hlei An Donh Ning Cu Bomb Sawhsawh In Hrawh Khawh Ding Asi Ti Lo

Timit hlei donh tu hna hi anmah ralhrang engineer 17 an cah hna i mah nihcun hleidonh ttuanvo an laak. Timit hlei hi a sau pe 70 le a kauh pe 40 fai in donh timh si i, Bomb sawhsawh men nih puah le hrawh khawh lo hlei a si lai tiah ralhrang nih an chim. Timit hlei hlun pawngte khan an donh. Credit: Salai Williams Hlawnceu

thawngpang dang relchap : Fangkhat Nan Bawmh Hna Zongah Thih Ding Dantatnak (သေဒဏ်) Pek Nan Si Lai-Zaw Min Htung

NUG, CRPH, PDF/CDF sinah fangkhat/piakhat nan bawmh (hlut) hna zongah thih ding dantatnak pek khawh nan si tiah September 19 ni ah SAC ralkap thawngchim tawntu Zaw Min Htun nih thihpheih le tlerhkhonhnak bia a chim tiah theih a si.

Fangkhat/piakhat bawmh le hlutnak in kum 10 thongthlak asiloah thih ding dantatnak tuah an sinak cu Pohmah 54 an buar caah a si ti i fian a hau, upadi theih lo ruangah tuah sualmi a si zongah ka chim ning bantukin dantatnak cu a um tho lai” tiah SAC ralkap thawngchim tawntu Zaw Min Htun nih a chim.

Hi dantatnak chungah hin ralhrang bawmhchanhnak caah phaisa bawmhnak, bond cawknak, lucky draw cawknak, online in tangka hlutnak tibantuk pawl vialte ai tel dih, ka tuah manh zong ka thei bak lo tiin solhphelh bia chim zongah upadi ning tho in dantat nan si lai” tiah a chim chap tiah theih a si.

SAC ralkap uknak a dohtu mipi thazang a thawn chin lengmang caah atubantukin faak ngai in cawlcanghnak le phihkhamnak an tuah hi a si tiah theih a si.