Ram Ca Ah Nunnak A Petu CDF Ralkap 7 Chungkhar Hna Cu CDF-Kanpetlet Nih Bawmhnak An Pek Hna

Ram Ca Ah Nunnak A Petu CDF Ralkap 7 Chungkhar Hna Cu CDF-Kanpetlet Nih Bawmhnak An Pek Hna NUG bond caw in ram ca ah nunnak a petu Chin ralkap CDF 7 chungkhar hna cu bawmhnak kan pek hna, tiah Kanpalet-CDF nih an thanh.

SAC ralkap he kahdohnak chung ah Kanpetlet ralkap; Salai Thang Awm, Salai Mana Kuai(မနားကွီး), Salai Si Thu Aung, Salai Ling Om, Salai Aung Hone Mang, Salai Ling Shwe le Salai Aung Ling hna cu an nunnak a rak liam.

Nunak a petu ralkap 7 hna nih an kaltak mi an chungkhar hna zohkhenhnak ah Chin Defense Force-Kanpalet nih bawmhnak kan pek hna, tiah an cathanh ah an langhter. Credit : The Chin Post

Thawngpang dang relcahp : Yangon Khuapi Chungah Bombpuahnak A Chuak
========================
Yangon khuapi, Norh Dagon pengkulh, sang 47, Bo Myant Htun lam ah um mi lamkam မုန့်ဟင်းခါး dawrah bomb puahnak a chuah caah dawr ngeitu le rawl eimi minung pa 2 hliam an tuar tiah tual chungmi nih an chim. Hi puahnak a tuah tu hi minung pa 2 an si i cycle in an rakra hna i puahnak an tuah hi a si tiah theih a si.

Bomb puahnak ah hliamtuar dawr ngeitu cu Daw Thin Thin Htwe le hngakchia mino pa 2 hna cu siizungah an kal pi hna tiah theih a si. North Dagon 17 sang zongah bomb puahnak a chuak i YBS motor a hngaktu minung 4 nih hliam an tuar tuah theih a si i ThinYanKyun Thuwanna 29 sang zongah bomb puah ruangah minung pa 2 an nunnak a liam tiah theih a si.

Pu Ngun San Aung nih thimhnak tuah aa timh an ti caah siaherhnak he ka thlah mi asi. Ralhrang Rallokap cu Cozah na si ko tiah phung ning tein Cohlantu an ngei bak lo. Rallokap chung ah MAH cohlan loin CDM tuah mi tampi an um. Tuluk le Russia, India, Thailand, ASEAN, EU, France, Germany, Australia, Japan, Singapore tbk hna cu an ram Sipuazi caah MAH he rian an ṭuan mi tu asi.

thawngpang dang relchap : Thantlang Hngak Kawl Ralkap An Dih Deng Kan Timi Kha A Dik Lo, Minung 80 Hrawng An Um Rih

Nai kan CDF thantlang kan naupa he bia kan i ruah i a chim mi khuaruahhar ngai khi a si. Thantlang ah hin Ralkap hi minung 70-80 karlak hrawng an um tiah a chim. Online in Thantlang ralkap an dih deng cang an timi hi lih a si tiah a chim.

A tlawm bik in minung 70 cu an um hrimrim lai tiah a chim. Thantlang khuachung lawng bak ah khin hmun li hrawng ah an um tiah a chim. Chaklei an sakhaan ah khi a tambik an um i, thlanglei Van Thio in le a pawng hmun 2 ah an um rih a ti.

Khuaruahhar ngai a si mi cu Thantlang ralkap ah khin Nu tampi an tel menlai tiah kan zumh a ti a ruang cu nu khi kan hmuh tawn hna i an um ngai lai tiah a chim. Cu lawng si loin An Sniper 1 a tlai tu zong hi nu a si tiah a chim. Ralram le raltuknak hmun ah nu ralkap tampi an kuat hna tiah an rak chim mi hi dik dawh a si ko. Crd… Pa Cung CDF Thantlang

Be the first to comment

Leave a Reply

Your email address will not be published.


*