R.I.P : Kawl Ralhrang Mithat Hmang Rual Nih Pi Tial Kap Na Kah Thah E

Chin ramkulh Valung khuami Pi Tial Kap (Kum 63) cu a luancia June 30 ah khan an rak kah thah cang i tuchun July 3 lawngah a ruak cu an khua pawngah hmuh asi tiah thawngthanh nak an tuah. Kawl ralhrang nih an kah thah mi Pi Tial Kap ruak cu a rak rawk pah ngai cang, an taksa felfai tein an zoh tikah Pi Tial Kap cu a lu ah meithal kuan a luhnak hmuh asi tiah an langhter chih.

Kawl ralhrang pawl cu Valung in an chuak i tu hi Lumbang le Hlanzawl pawng hrawngah tihnung ngai in an cawlcang ko tiah an langhter chap. Ngaihchiatnak atong mi chungkhar hna Bawipa nih hnem hram ko hna seh mu.

Parte Khua In Falam Lei A Kalmi SAC Ralkap Nih Meithal Le Hriamngan An Puah! Kalaymyo in Laitlang lei ah a kai mi SAC ralkap motor run cu Falam peng an phanh hnu in, June 3 zinglei ah Falam khua pawng Parte khua in ke in Falam lei an panh áš­han i lampithluan ah meithal le hriamngan an thlah pah tiah theih a si.

SAC ralkap hna cu Parte khua pawng Lungbang khua ah motor 4 he zahan zaan an riak i, an motor dang 20 leng cu Hlanzawl khua ah an um tiah theih a si. Nizaan July 2 ah Hlanzawl khuami pakhat cu Lo in a kirlei ah SAC ralkap nih a ruang um lo in an thah, tiah theih a si.

Be the first to comment

Leave a Reply

Your email address will not be published.


*