R.I.P : Kalaymyo Thlanglei Kahdohnak Ah CNDF Ralkap Pakhat Cu A Nunnak A Liam Ruangmang E

Kalaymyo Thlanglei Kahdohnak Ah CNDF Ralkap Pakhat Nunnak A Liam! Kalaymyo thlanglei Hakhalay khua pawng ah nihin July 11 chunhnu ah SAC ralkap le tualchung hriamtlai phu kar kahdohnak a chuak i, cu kahdohnak ah cun CNDF ralkap pakhat nunnak a liam i, 3 hliamhma an tuar.

Cupinah Ranger Kalay Defense Force chungtel pakhat zong hliam a tuar, tiah theih a si. CNDF ralkap kum 37 mi nih cun a fale 4 a liamtak hna, tiah theih a si. Photo: Ranger Kalay Defense Force Ralkap Hliamtuar Mi. Credit : The Chin Post

thawngpang dang relchap : SAC ralkap Nih Sai Naing Lay Khua Hriamngan In An Kah, Khuami 1 Thi, 6 Hliam An Tuar

Sagaing ramțhen, Shwebo pengkomh, Watlat peng, SaiNaingLay ( စိုင်နိုင်‌ေလး)khua chungah , Nizan July 10 ah SAC ralkap nih kahdohnak zeihmanh a um lo nain hriamngan he hriamhme he an kah ruangah khuami pakhat a nunnak a liam i paruk hliam an tuar tiah khuami hna sin in theih a si.

” Hriamngan in an kan kah hramhram, a nunnak a liammi khuami pakhat cu nizan ah kan vui cang. Hliam a tuarmi 6 chungah hin an nunnak caah thinphang in a ummi 2 an um rih ” tiah khuami hna nih an chim.

July 3 zongah Watlat peng Min khua kahdohnak ah Local PDF 5, Pah – Kah- Phah – 3, khuami 2 an nunnak a liam i 4 hliam an tuar. An nunnak a liammi hna chungin 4 cu hriamnm chiahter in an tlaih hna i an kahthah hna tiah mizapi vengtu ralkap phu hna nih an langhter.