R.I.P : CDF-Hakha Ralkap “Salai Biak Hnin” A Nunnak a Liam

CDF-Hakha Ralkap “Salai Biak Hnin” A Nunnak a Liam. July 14, Dokțhek le Chuncung kar kahdohnak ah CDF-Hakha ralkap Salai Biak Hnin nih ram le miphun ca ah a nunnak a pek, tiah thawngpang kan theih. CDF ralkap a hawile nih a ruak tlamtling tein an lak khawh cang. Credit : The Chin Post

thawngpang dang relchap : Myawady Peng Kahdohnak Ah SAC Ralkap 8 An Thi I, Hriamthil Zeimawzat Laak A Si

Myawady Peng Kahdohnak Ah SAC Ralkap 8 An Thi I, Hriamthil Zeimawzat Laak A Si: Karen ramkulh Myayady peng ah, July 13 ahkhan SAC ralkap le KNLA, PDF phufonh kar kahdohnak a chuak i, SAC ralkap lei ralbawi (major) tel in minung 8 an thi i, hriamthil zeimawzat zong laak a si, tiah nihin (July 14) ah Mipi ralkap nih an thanh.

SAC ralkap sin in 5.56 kuan 705, MA kuan bawm 4, kutchah bomb lung 3, 60 mm kuan 2, kuanhme 1 le ralthuam zeimawzat an laak. July 14 ah zohfelnak an ngei i, 5.56 kuan 3000 leng, kutcheh bomb lung 13, vawlei tang phum mi bomb 12, 60mm mortar 1, MA kuan bawm 11, RPG-7 kuan lung 8, RPG zenthong 9, Solar 1, NATO kuan 265 le hramthil dangdang an hmuh chap, tiah theih a si.

Myawady-Waolay mawtaw lam le Tayat Hnapin(သရပ်နှစ်ပင်) khua kar kahdohnak a chuahnak hmun zong ah Cobra hriamtlai phu nih zohfelnak an tuah i, July 13 ah khan 5.56 kuan 400, MA kuan bawm 3, vawlei tang phummi bomb 3 le thilri dangdang hna an laak, tiah theih a si.

Nihin July 14 i SAC ralkap nih an zaamtaknak hmun ah cun 60 mm lung 9, RPG kuan 5 le hriamthil zeimawzat laak a si, tiah theih a si. Yee-U peng MimawngKung Khua SAC Ralkap Nih An Duah I, Inn 70 Leng An kaang! Tar Pakhat A Kanghchih!: Sagaing ramṭhen, Yee-U peng, MimawngKung(မီးမောင်းကုန်း) khua cu SAC ralkap nih July 13 ah luhhnawh in an duah caah inn 70 a kaang, cu meikang nih cun Daw Tan Hṭi(kum 90) cu a kanghchih i a nunnak a liam, tiah tualchung mi nih an chim.

MimawngKung(မီးမောင်းကုန်း) khua cu inn 100 hrawng umnak khua a si, khua mi hna cu khuachung ah an lut ngam rih lo, tiah theih a si. SAC ralkap hna cu MimawngKung khua an chuahtak hnu in Wate(ဝသဲ) le Tumawng(တူမောင်း) khuachung ah an lut, tiah tualchung mi nih an chim. Credit : The Chin Post

Be the first to comment

Leave a Reply

Your email address will not be published.


*