Min Aung Hlaing Le A Kuttang Hna Caah Cun Zaan Mang Chia A Si Ko Cang

Tathon Pengkomh Kahdohnak Ah SAC Ralkap 500 Hrawng An Thi, 300 Leng Hliamhma An Tuar!: January in June thla tiang (thla 6 chung) ah KNU Tathon pengkomh brigade 1 hmunram chung ah kahdohnak voi 209 a chuak, tiah KNU nih nihin ah cathanh an chuah.

Cu kahdohnak ah cun SAC ralkap 445 an thih lengah minung 332 hliamhma an tuar, tiah an langhter. Kaphnih kahdohnak ah KNLA/KNDO le tualchung hriamtlai phufonh chungtel 7 an thi i, 8 hliamhma an tuar tiah theih a si.

SAC ralkap nih nawlngeihnak an laak hnu in KNU hmunram chung ah faak ngai in kahdohnak a chuak i, SAC ralkap lei nih van lei kahdohnak faak ngai in an tuah, tiah KNDO special commando ralbawi Saw Salung nih a chim.

Kum 2022 kumthok in thla 6 chung ah KNU- KawTuLay(ကော်သူးလေ) hmunram chung ah kahdohnak voi 2686 a chuak i, cu kahdohnak ah cun SAC ralkap 2,208 an thih lengah minung 1545 hliamhma an tuar, tiah KNU nih July 6 ah cathanh an rak chuah.

Loi Thaing Lian Ah Ti A Lian I Minung 5 An Thi, Inn Cheukhat A Rawk!: Shan ramkulh chaklei RCSS/SSA headquarter a umnak Loi Thaing Lian(လွိုင်တိုင်းလျန်း) ah July 9 zankhuadei ruah faak ngai in a sur i, Loi Thaing Lian khuachung ah Luti nih inn zeimawzat a hrawh ruangah minung a thi mi zong an um, tiah theih a si.

“Nizaan zaan Sml 10:30 tluk in ruah a sur i, inn 7 cu luti le nawng nih a fanh, tar le ngakchia 5 a fanh chih hna i an tlau,” tiah mibawmtu pakhat nih a chim. Ti nih a fanh mi hna cu an kawl cuahmah lio hna tiah theih a si. Loi Thaing Lian ah hin ti a rak lian bal tawn ko nain inn rawh tiang le mi thih tiang cu a um bal lo, tiah theih a si. Credit: The Chin Post

Be the first to comment

Leave a Reply

Your email address will not be published.


*