Min Aung Hlaing Cu A Kuttang Minung 2 Nih Meithal Zun 3 Le Kuan Tamngai He An Zaamtak

BREAKING NEWS: Min Aung Hlaing Cu A Kuttang Minung 2 Nih Meithal Zun 3 Le Kuan Tamngai He An Zaamtak

Min Aung Hlaing hruai mi council ralhrang cu chuah tak in ralkap 2 meithal 3 le kuan he KNDO sin ah July thla chung ah CDM an tuah tiah thawng theih a si.Mah hna ralkap pahnih hi Myawadi-wawla khua pawl checking a tuah mi ralhrang ii sah-ah-yah 904 Engineering tat in ralkap Aung Aung le khah-lah-yah 275 in ralkap Aa Kaa Min an si tiah thawng an thanh.

Mah hna pahnih hi MA-1 pahnih MA-3 pakhat le kuan tampi he CDM an tuah tiah mipi nih thawng an thanh.Ralhrang ii thil an tuah ning hi kan duh lo nak sau tuk cang. Ralhrang lak ii bawi deuh pawl nih an mah thazang sipuazi thawn nak caah an kan hman.Mipi pawl an thah hna|khuate pawl mei in an khangh hna hram thok khan ralhrang thuam aa thuam mi kan mah le kan mah kan ii pahrung kan thlarau a him lo.

Voi tampi CDM tuah kan i zuam nain kn chung khar caah thin phan nak le a khonh yi ngeih lo nak zei tin kan tuah lai tiah theih lo nak timi pawl a tam ruang ah CDM kan tuah hi a tlai nak a si.Atu zoong chung khar kal tak in hi duhthlen nak Revolution a dih hlan lo chung mipi he dir ti ding in bia chah nak kan ngeih hnu ah CDM kan rak tuah nak a si”tiah mah hna nih cun an chim.

Council ralhrang nih ralkap pawl CDM an tuah ngam lo nakhnga thawng pang a hman lo mi an chimh hna cun an hro cer hna tiah theih a si.CDM ralkap pahnih hi July thla chungah CDM an rak tuah ko cang nain hmunhim an phak khawh rih lo caah thawngthanh nak an rak tuah duh lo. Asinain atu ah cun hmunhim an phak cang pinah NUG nih phaisaa laksawng tampi an pek hna tiah thawng an thanh.