Magwe ramțhen, Pengkulh Cheukhat Phone Line An Phih I SAC Nih Helicopter le Jet Vanlawng In An Kah Hna

Magwe ramțhen, Gangaw peng, Htilin peng , Saw peng, Kyaukthu peng hna ah July 19 thok in SAC ralkap nih Phone line an phih piak hna i kahdohnak umloin cunglei in khuate an kah tiah theih asi.

July 19 zan Suimilam 10:00 hrawngah Gangaw peng, Myittha tiva nitlaklei hmunhma hna ah Jet vanlawng in bomb an thlak, July 20 zanlei Suimilam 2:00 hrawngah Hakha lamtțhen le Myinttha tiva dilmi karlak cu bomb lung 18 nak tlawm lo an thlak tiah tualchung mi nih an chim.Gangaw, Htilin lei phone line a ngah lonak nithum a si cang.

Pehtlaihnak kan tuah kho lo. Kahdohnak um lo in cunglei in an kan kah. Internet line a ngah lo caah zeitluk in a rawk ti cu fiang in kan thei kho lo. PDF sakhan a um kho tiah an ruahnak hmun poh bomb thlak dawh a si ” tiah tualchung mi pakhat nih a chim.

Cunglei kahnak lawng silo in tanglei in rallam an sial i hmunhma thianh tiah an ti i rallam an rak sial. Lampi zul lo in ramlak kip ah ralhranh in an cawlcang tiah an chim chih.

” SAC ralkap rallam a rak sial mi hna cu a hlan bantuk in lampi an zul ti lo. Khuakhat an lut umhmun an khuar, pawngkam an kherhlai, a dang khua an kal. Khoika kan kal lai ti ai fiang lomi an lo. An duhnak paoh ah umhmun khuar i, Hmunhma kan thianhhlimh a timi an lo ” tiah Gangaw khuami pakhat nih a chim.

Be the first to comment

Leave a Reply

Your email address will not be published.


*