Kalay ah Palek Skhan-hmu cycle dat-si a rawnlio ah kahthah a tong

Kalaymyo, Tahan palik sakhan in sakhan-hmu cu nizaan tihni June 30, chunhnu suimilam 1:30 hrawng ah cycle dat-si a rawnlio ah a hosi theihlo mi hriamtlai phu nih meithal in an kah caah a thi tiah theih a si.

Kahthah a tongmi sakhan-hmu cu misawhsawh thuam aa hruk, lukhuh le mask i hup in a mui a langhterlo nain, Tahan sangchung ah meithal in kah thah a tong tiah theih a si. Palik sakhan-hmu kahthah a ton hnu ah Tahan sangchung hmundang zongah meithal puahthawng voi 3 theih a si, zaanlei suimilam 3:00 tiangah sakhan-hmu ruak chartu an um rihlo tiah theih a si. The Chin Post

Thawngpang dang relchap : BanMoh Kahdohnak Ah SAC Ralkap 20 An Thi, Hliamtuar SAC Ralkap Hna Cu Țhan Tein Thlop Hna Tiah NUG Nih An Thanh

Sagaing ramțhen, Kathar peng, BanMoh ( ဗန်း‌ေမာက်) peng , June 30 kahdohnak ah SAC ralkap 20 leng an thi i tlaihkhih mi SAC ralkap hna cu țha tein sii kan thlop ko hna tiah NUG nih cathanh an chuah.

June 30 ah Kathar pengkomh, BanMoh peng hmun pakhat ah SAC ralkap le PDF karlak ah kahdohnak a chuak. Cu kahdohnak chungah SAC ralkap 20 leng an thi i hliam tuarmi SAC ralkap hna cu mizapi vengtu ralkap hna nih țha tein sii an thlop piak hna i an chiah ko hna tiah an thanh.

NUG nih tlaihkhih a tongmi SAC ralkap hna a zat cu langhter a si lo nain BanMoh mizapi vengtu ralkap phu nih an thanh nak ah cun a nung in tlaikhih mi hna hi 11 leng an si tiah theih a si. Creadit : The Chin Post