GoodNews: KNU Hmunram, Hpapun Pengkomh SAC Ralkap Sakhan Cu KNU Brigade 5 Nih An Laak

KNU hmunram, Hpapun pengkomh chung SAC ralkap sakhan pakhat cu KNLA brigade 5 nih kan lak khawh, tiah KNU nih an thanh. Hpapun pengkomh SAC ralkap sakhan cu September 2 zinglei ah kan kah i, kan lak khawh. SAC ralkap lei a thimi le hliamhma tuar an um, tiah ṭuanvo ngeitu nih an chim.

SAC ralkap sakhan cu nihin zinglei ah kan lak i, a thimi le hliamhna tuarmi zong an um, meithal zun 8 le hriamngan zong kan lak khawh,” tiah KNU in ṭuanvo ngeitu nih cun a thanh.

A luancia August 22 zong ahkhan Hpapun pengkomh Dwailoe(ဒွယ်လိုး) peng SAC ralkap ramri hngak an umnak Bawkyunhta(ဘော့ကျုံထာ့) sakhan cu brigade 5 nih an rak lak. Cu lio ah cun BGF ralkap 4 an thi i 2 hliamhma an tuar, hriamnam zeimawzat zong kan lak khawh, tiah brigade 5 nih cathanh an rak chuah.CRD THE CHIN POST

Malaysia Prime Minister Hlun Nupi Cu Kum 10 Thong Thlak Ding in Bia an Khiah Piak!

Malaysia Prime Minister Hlun Najib Nupi Rosmah Mansor cu eihmuarnak ruang ah kum 10 thong tla ding in nizan september ni 1 ah bia an khiah piak, tiah theih a si.
A luancia ni tlawmpal ahkhan a pasal PM hlun Najib zong eihmuarnak ruang ah thongthlak ding in bia rak khiah piak ve a si.

Rosmah cu eihmuarnak kong tazacuai mi phunthum ah phaisa Ringgit 200 million liam ding in Kuala Lumpur biaceih bawi Mohamed Zaini Mazla nih bia a khiah piak.

Kum 70 a si cangmi Rosmah nih cun eihmuar nak kong ah tazacuai mi cu a dik lo mi a si, zeihmanh eihmuarnak ka ngei lo, tiah biaceih zung ah a rak chim ve. 2016-17 kum i a pasal Najib Prime Minister a rak ṭuan lio ah Company pakhat sin in 6.5 million leng a rak lak hna, tiah biaceih zung nih cun an chim.

A pasal Najib zong 1MDB Malaysia Development Bank kong ah biaceih zung nih kum 12 thong thlak ding in bia an rak chah piak. Najib cu eihmuarnak case dang ah biaceih cuahmah lio a si rih, tiah theih a si.A rel tu nan cung ah kan i lawm

Be the first to comment

Leave a Reply

Your email address will not be published.


*