BREAKING NEWS: Sagaing Ramṭhen Kahdohnak Ah SAC Ralkap 40 An Thi, Zahan Zanṭim Ah Vanlawng 3 In SAC nih An Leh Hna!

Sagaing ramṭhen, Kanbalu-Kawlin-Kyunhla peng ramri kahdohnak ah SAC ralkap 40 an thi i, ralbawi pathum a nung in kan tlaih hna. Meithal zun 22, kuan bawm le zen-kuan tam ngai kan laak, tiah Kanbalu pengkomh Battalion 2 in ṭuanvo ngeitu Bo Yawng Ni nih a chim.

Nizan August 23 zing sml 8:00 in kahdohnak a chuak i, PDF ṭangrual hna nih MA1 zun 7, MA2 zun 2, MA3 zun 7, MA4 zun 1, 60mm tawimi zun 2, RPG zun 1 le a kuan lung 2, MA kuan bawm 55, 60mm kuan 18, 5.56 kuan 1,867, 40mm kuan lung 6, Inawa lung 4, luchin 6, phummi bomb lung 5, Icon lung 5, kutser meithal zun 2 le a kuan 2, Jumper 1, Ma Pa Tah 2, 84mm zun 1, 84mm 2, MA pistol zun 1 le kuan bawm 2 an tlaih, tiah theih a si.

August 23 zing sml 10:00 hrawng in Kanbalu peng Letkhaukpin le Aungchanthar khua chung ah rallam a sialmi SAC ralkap pawl cu PDF ṭangrual hna nih kan kah hna caah ralkap 40 nak tlawm lo an thi, tiah Kanbalu pengkomh Battalion 2 nih an langhter.

SAC ralkap nih Mi 17 vanlawng pakhat in zen-kuan a rak pek hna. Mi 35 raltuknak vanlawng pakhat le Jet Fighter pakhat in an kah hna. SAC ralkap nih vanlawng an hman caah khuami cu an zaam dih, tiah theih a si. Zahan zanṭin sml 11:20 ah Jet Fighter pathum cu an rak i thawh ṭhan i, bomb thlak, tiah theih a si.

Kawlin peng Thitseint Kone(သစ်ဆိမ့်ကုန်း) khua ah nizan August 23 zan sml 11:20 ah SAC ralkap nih Jet Fighter pathum in bomb an thlak caah tualchung mi Pyih Sone, kum 6 le cheu, Moe Aung, Zin Myo Htun le naupawi thla kua nu Pyo Zar Win hna cu a hmun ah an thi colh. Mi dang pakhat zong hliamhma a pu, tiah Kawlin Revolution -KR nih an langhter.

“A voikhatnak ah drone a rak zuang hmasa. Cu hnu zan sml 10:00 hrawng ah Kanbalu peng in Chettin(ချပ်သင်း) khua lei ah a zuang. Caan tlawmpal a rauh ah Jet Fighter pathum an rak zuang i, kahdohnak hmun cu bomb in an thlak,” tiah PDF nih an langhter.

Be the first to comment

Leave a Reply

Your email address will not be published.


*