Breaking News: SAC ralhraang sakhaan le SNA sakhaan Cu KIA le PDF nih a News: SAC ralhraang sakhaan le RALKAPSNA sakhaan Cu KIA le PDF nih an lak!

Breaking News: SAC ralhraang sakhaan le SNA sakhaan Cu KIA le PDF nih a News: SAC ralhraang sakhaan le RALKAPSNA sakhaan Cu KIA le PDF nih an lak!

SAC ralkap sakhaan le SNA sakhaan KIA le PDF nih an lak

Kachin ram, Phakant peng, Sezin khua ah a ummi SAC ralkap sakhaan le Shan National Army (SNA) sakhaan cu KIA le PDF phufonh nih August 8 chun sml 1:00pm hrawngah an lak khawh tiah theih a si.

Sezin khua kahdohnak ruangah khuami pakhat a nunnak a liam i Sezin khuami hna cu Phungki sianginn ah an i dor tiah BBC nih a langhter.“Kum 35 a si cangmi Sezin khuami pakhat a thi i Sezin khuami pawl cu phungki sianginn ah kan i dor” tiah khuami pakhat nih BBC ah a chim.

An lak khawhmi Shanni sakhaan hi Sagaing ramṭhen le Kachin ramri Shwepyaemyint hlei pawngah a ummi a si i atulio hi SNA le KIA, PDF karlak ah kahdohnak aa peh rih tiah a langhter.

Relchap: Myaing peng ah kahdohnak a fak, SAC ralkap 34 an thi, PDF 3 an nunnak a liamMagway ramṭhen, Myaing peng, August 6 zinglei ah SAC ralkap, pyusawhtee le mipi hriamtlai phufonh karlak ah kahdohnak a chuak i SAC ralkap 34 an thi, PDF 3 an nunnak a liam tiah theih a si.

Myaing peng, Twunma khua ah SAC ralkap le Pyusawhtee pawl training an ngei i adang khua pyusawhtee pawl zong an rak phan timi thawngpang theih a si caah August 6 zinglei sml 5:30am hrawng ah mipi hriamtlai phufonh nih an i relh lo kar ah an kah hna i SAC ralkap le pyusawhtee 34 an thi, tampi an i hliam tiah PDF-Myaing sin in theih a si.Cun, kahdohnak bawmh ding ah a raami cycle 7 zong bom an puah hnawh i 3 a rawk, 4 an zaam i 2 an luat tiah theih a si.Pyusawhtee training a kaimi pakhat nih a chimnak ahcun SAC ralkap 38 an thi i 27 Pakokko sizung an phan tiah DVB nih a langhter.

PDF-Myaing in hriamtlai 3 an nunnak a liam i 5 nih fak tuk loin an i hliam.Cuka hmun kahdohnak cu PDF phu 10 fonh nih an tuahmi a si caah SAC ralkap 34 an thi i tampi an i hliamnak hi a si tiah PDF-Myaing battalion commander nih DVB ah a chim.Thechinlandpost

Be the first to comment

Leave a Reply

Your email address will not be published.


*