.BREAKINGNEWS….August ni zinglei suimilam 6:34am ah mine a kawl mi ralhrang sitcawng 3 lak ah a laicir ah a kalmi sitcawng hna cu Jumper motor lian he minung 40 an I zulh lio ah mine an puahhnawh hna.

Ralhrang Sitcawng 3 Bom In An Phomh Hna Tamtuk An Thih Hlei Ah Hliamtuar An Tam . Chaung U-Minmu lampi thluan ah mine kawl ah a kalmi ralhrang sitcawng 3 hna cu August ni 7 ah khan hmun um mipi ralkap hna nih mine an puah hnawh hna I ralhrang lei in 22 an thi I, tampi nih hliam an tuar tiah Farmers Revolution Force in rianngeitu nih a chim.

August ni zinglei suimilam 6:34am ah mine a kawl mi ralhrang sitcawng 3 lak ah a laicir ah a kalmi sitcawng hna cu Jumper motor lian he minung 40 an I zulh lio ah mine an puahhnawh hna.

Cu tiin mine an puahhnawh hna nak ahcun ralhrang 12 an thi tiah theih asi.Mah hnu ah motor lampi thlanglei ah a kalmi ralhrang sitcawng nih mine cu an hmuh I phoih ding in an I timh cuahmah lio ah a puak. Lampi ah a ummi ralhrang dang hna zong mine kulh chungah an um lio asi caah ralhrang 10 nak tam an thi I, tampi nih hliam zong an tuar fawn tiah theih asi I, mine puahnak ruangah a thimi hi 22 nak tlawm lo an si I hliamtuar mi zong tampi an um fawn tiah theih asi.

Hi acung lei langhter mi dohnak hi MRA Sagaing Khayan tatyin 5, Farmers Revolution Force tatyin hna I komh in an doh mi hna asi tiah theih asi.