Rakhine ramthen, Maung HTaw ah umhmun a kuar mi kawl ralhrang pawl cu tuchun ah khan AA nih an kahdoh hna caah ralhrangbawi telh in ralhrang palik 14 an tlaih khawh hna pinah an hriamnam tamtuk an chuh hna tiah Arakan Princess Media nih an langhter.
Tuchun kahdohnak hi ralhrang sinah lehrul chamnak asi a luancia lio ah kawl ralhrang nih Karen ramchung ummi AA sakhan pakhat cu Jet Fighter in an kah, bomb an thlak mi ruangah AA ralkap zeimaw zat zong an rak thi, cu ruangah phuba laknak ah tuchun kha kan kah mi hna si tiah AA ralkap in chimnak nawlngeitu Khai Tuh Kah nih cun a chim.
Tuzing, July 18, zinglei suimilam 9 hrawng khan kahdohnak cu an thok i Maung Htaw peng, Pyinngia khua le Sakah Pyin khua karlak ah fakngai in voikhat an i kap. Cun Dungkula khua le Watt Kyin khua karlak kawl ralhrang ramri hngak an chiah mi hna zong AA nih cun an kah rih hna hi asi.
Tuchun kahdohnak ah cun palik bawi nih surrender nak a tuah hnuah ralhrang leiin bothum zong nih surrender nak a tuah ve i cun an kuttang minung 12 nih an hriamnam chiah in AA sinah cun surrendernak an tuah dih hna hi asi tiah Arakan Princess Media nih cun an langhter.
Cun AA nih kawl ralhrang sinin meithal zun 24 le pistol 2, cun kuan tamtuk le raltuknak hmanrua pawl zong tampi an lak khawh hi asi tiah Arakan Princess Media nih cun an langhter hi asi.
Leave a Reply