A Nupi A Rak It Pi Tawn Tu Doctor Pa Sin Ah A Nupi Nih A Chim mi Bia A Pasal Nih A Theih Cun A Khuaruah A Har

Pasal le um lo kar ah hin nu then khat cu zumh an rak tlak ve lem lo ti cu hi nu nih hin a langhter ngai ngai . hi thil hi India ram Uttar Pradesh ah a cang mi a si i , hi nu hi india taktak a si lo i Nepal mi a si . Nepal nu hi an mui ai dawh i vai nu tampi nih cun an tluk bak hna lo . Nepal nu cu an taksa a tha i an vun zong a ngo i zoh ah hin mirang nu bantuk deng mang in an um i Kala mirum tampi zong nih Nepal nu hi an thit ve tawn hna .

oikhat cu hi nutung nu hi a dam lo ruang ah doctor sin ah ai vai i piah i Doctor pa nih cun nang cu clinic ah hin si lo in kei mah ka inn tu ah rak i piah tawn law hawi nak tha in special in kan thlop bul lai tiah a rak ti i cu hnu cun zing lei le zan lei chiar te cu doctor pa inn ah cun a mah te lawng a vai i piah tawn.

an pa zong cu office ah rian a tuan mi a si ve caah can a ngei lo i an nu cu doctor pa sin ai piah can ah a zul kho bal lo . an nu lawng cu nichiar te a mah lawng a va piah ter tawn . Nikhat cu an pa cu office a tin hnu ah kan nu cu ka va dong ve tuah lai a ti i doctor pa inn lei ah cun a va kal i doctor pa nih mizaw a zoh tawn hna nak room ah cun a ho hmanh an rak um lo . a inn lei ah tin than ai timh bak ah doctor pa a inn chung lei cun nu nih thawng a theih i a thli tein a va bih hna.

an bia cu a leng lei cun a ngeih i kan pa nak in nangmah nih hin lomhnak na ka pek deuh , voi 15 na ka it pi cang i na sin ah hin diriamh nak taktak cu ka hmuh tiah an nu nih doctor pa a chimh mi bia cu a theih i a lau taktak . a thin hung tuk nain a nupi a mual a pho tuk sual lai a ti caah a thin ai sum i inn lei ah cun a kir tak phawt.

Inn a phak cun a nupi a nule pa le a chung le vialte cu a auh hna i thil sining vialte cu a chim dih . a nupi cu a ningzak tuk i, inn leng lei ah a chuak i a zan zong a lawi ti lo . nikhat a rauh hnu ah phone in an pa cu a van chawnh i doctor he kan sining vialte na theih dih cang ko i kei cu na nupi siding zong ah kai tlak ti lo rak ka philh ko cang tiah an pa cu a van chawnh .

Cu hnu cun doctor pa lawng si lo in a duh mi pa paoh a komh hna i a duh ning poah in khua a sa lawlaw . hi kong hi UP State India ah a cang mi a si i a pasal Sunil Jangde nih a facebook timeline ah a rak post mi a si i a chim ning ah cun ” Hi thil hi ka nupi a mual pho seh ti ka duh ruang ah ka post mi a si lo . a si nain pa dang dang a tuai hna i a komh mi hna ka hmuh tik ah thil tha lo a si caah ka rak post mi a si” tiah a tial chih.